Հրատ ԳՆՈՒ/Լինուքս| Հրատ ԳՆՈՒ/Լինուքս |
 |
 |
 |
| Գրել է Ղեկավար |
| Երեքշաբթի, 24 Մարտ 2009 16:22 |
|
Հրատ (Hrat) Օպերացիոն Համակարգը (ՕՀ) հիմնված է լինելու Debian GNU/Linux ՕՀ-ի վրա։ Այն լինելու է ամբողջովին թարգմանված Հայերեն։ Օգտագործվելու է Debian ՕՀ-ի debian-installer տեղադրման համակարգը։ ՕՀ-ը ամբողջովին բաղկացած է լինելու այն ծրագրերից, որոնք կհամապատասխանեն FSF-ի և OS-ի կանոններին։ Այն լինելու է ամբողջովին անվճար։ Հրատ նախագիծը իր մեջ ներառում է Linux ՕՀ-երի և նրանց կողմից օգտագործվող բաց ծրագրային կոդով ծրագրերի ընդհանուր թարգմանության նախագիծը։ Արդեն տեղադրված է translate.debian.am կայքը, որը իրենից ներկայացնում է "Linux ՕՀ-ի Հայերեն Թարգմանություն" նախագծի հիմնական էջը։ Զուգահեռ կատարվում են թարգմանության աշխատանքներ։ Հիմնականում շեշտադրումը դրված է debian-installer-ի և ՕՀ-ին անհրաժեշտ մինիմալ ծրագրերի փաթեթների թարգմանության վրա։ Կատարվում է նաև KDE միջավայրի հիմնական մասերի թարգմանություններ։ Հրատ ՕՀ-ի առաջին տարբերակը կկրի «մեկ» (mek) կոդային անունը, որը կլինի առանց գրաֆիկական միջավայրի և հասանելի կլինի միայն կայքից։ Բոլոր նրանք ովքեր ցանկություն կունենան աջակցել այս նախագծին գրեք հետևյալ հասցեյով
Այս էլ.փոստի հասցեն պահպանված է spam bots-երից, պետք է Javascript-ին հնարավորություն տալ դիտելու համար
։ Աջակցության հնարավոր տարբերակներն են՝
1. Թարգմանությունների կատարում
2. Փաթեթների ստեղծում
3. Դրամական օգնություն
Օգնություն ցույց տված անձը և/կամ կազմակերպությունը կգրանցվի մեր Հովանավորներ էջում, որտեղ նշված կլինի անձի և/կամ կազմակերպության անվանումը, օգնության ձևը և չափը(ըստ ցանկության)։ Նախապես հայտնում ենք մեր խորին շնորհակալությունը ցանկացած տիպի օգնություն ցուցաբերելու համար։ |
