Internet Systems Consortium կազմակերպությունը հայտարարել է նրա մասին, որ սկսում է BIND՝ DNS սպասարկիչի, 10-րդ տարբերակի աշխատանքները, որոնք կտևեն մոտ 5 տարի։ Նոր տարբերակի ստեղծմանը օժանդակելու մասին հայտարարել են այնպիսի կազմակերպություններ, ինչպիսիք են` AFNIC (Ֆրանսի), CIRA (Կանադա), JPRS և SIDN (Հոլանդիա)։ 10-րդ տարբերակը, որի նախորդ 9-րդ տարբերակի աշխատանքները սկսվել էին 1998թ-ին, կունենա ամբողջովին մոդուլային կազուցվածք։

 

Nokia կազմակերպության Qt Software ենթաբաժինը ներկայացրել է Qt 4.5.1, Qt Creator 1.1 ծրագրավորման ինտեգրացված միջավայրը և Qt SDK ընդհանուր տեղադրման փաթեթի նոր տարբերակները։

Նոր տարբերակներում հիմնականում ուշադրություն են դարձվել սխալների ուղղման և կոդի օպտիմիզացիայի վրա։
Բացի դրանից Qt Creator 1.1-ում ավելացվել է նոր հնարավորություններ ևս.

• բարելավվել է բացված փաստաթղթերի դիտումը,
• բարելավվել է ֆունկցիայի արգումենտների հուշման մեխանիզմը,
• ավելացվել է Makefile-ի հիման վրա հիմնված նախագծերի հնարավորությունը,
• ավելացվել է JavaScript-ի ապահովումը։

Բացի դրանից թողարկվել է Visual Studio-ի համար նախատեսված ավելացում՝ Qt-ծրագրեր գրելու համար։

 

Հայտարարվել է Firefox դիտարկիչի 3.0.9 տարբերակի թողարկման մասին։ Նոր տարբերակում վերացվել են 9 խնդիրներ, որոնցից երկուսը իրենցից ներկայացնում էին բարձր աստիճանի և մեկը կրիտիկական աստիճանի վտանգներ։

Բացի ապահովության հետ կապված խնդիրներից լուծվել են նաև հարցեր, որոնք կապված էին կայունության հետ։ Օրինակ՝ ՏՇ-ի (տվյալների շտեմարան) ֆայլի վնասման պատճատով cookie-ի կորուստ, AOL և AIM Ինտերնետային էլ. փոստի կայքերի նամակների կցումների արտապատկերման խնդիրը։

Ուղղվել են հետևյալ խնդիրները՝

• MFSA 2009-14 - JavaScript կոդի աշխատացման հնարավորություն՝ ծրագրի աշխատացման ընթացքում։ Այս խնդիրը կա նաև Thunderbird 2.0.0.21 և SeaMonkey 1.1.15 ծրագրերում, որոնց համար դեռ թարմացումներ չկան։
• MFSA 2009-17 - Adobe Flash-ի ֆայլի "view-source:" ռեժիմում բացելիս ծրագրի ավելացումը այն աշխատեցնում է ձեր համակարգչի կոնտեքստում։ Այս բացթողումը կարող են օգտագործվել CSRF-հարձակում (Cross Site Request Forgery) կատարելու համար։
• MFSA 2009-19 - XMLHttpRequest-ի և XPCNativeWrapper.toString-ի այլ հոսթին հարցում ուղարկելու սահմանափակումը շրջանցելու հնարավորություն։

Նշեմ, որ այս բացթողումները կան նաև Firefox 2.0.x տարբերակներում, որոնց համար այլևս թարմացումներ չեն թողարկվում։

 

 

Անցած շաբաթ՝ Սան-Ֆրանցիսկոյում, անցկացված Լինուքսի ստեղծողների գագաթնաժողովը (Linux Collaboration Summit) հավաքել էր ՕՀ-ի խմբակցության կարկառուն դենքերին։ Քննարկվեցին ամենա կարևոր հարցերը կապված ՕՀ-ի հետագա զարգացման հետ։ Ինչպես միշտ, տեխնիկական քննարկումների մեծ մասը եղել է Լինուքսի միջուկի վերաբերյալ։ Էնդրիու Մորտոնի, Գրեգ Կռաո-Խարտմանի, Կիտ Պակառդի, Տեդ Տսօի և Linux Weekly News-ի խմբագիր՝ Ջոնաթան Կորբեթի գլխավորությամբ ծրագրավորողները քննարկել են նոր սարքերի դրայվերների ստեղծման, EXT4 ֆայլային համակարգի և այլ հարցեր։

Ուշադրությունից չվրիպեց նաև հայտնաբերված սխալների ուղղման հարցը։ Բոլորին լավ հայտնի է, որի ծրագրավորողները բավականին շուտ են սկսում միջուկի նոր հնարավորությունների իրագործումը և հպարտեն զգում երբ իրենց անունը հայտնվում է որևիցէ մի մոդուլի ստեղծեղների ցուցակում։ Դրա հետ մեկտեղ, երբ անհրաժեշտություն է առաջանում ուղղել սխալները, այդ ծրագրավորողների եռանդը անհետանում է։ Ըստ Մորտոնի՝ հիմնական սխալները գտնվում են ոչ այնքան արժեքավոր նորամուծությունների մեջ և ոչ ինքը, ոչ Լինուս Տոռվալդսը չեն կարող բավականին մեծ ուշադրություն և ժամանակ տրամադրել այդ հատվածներին։ Դրա հետ կապված, շատ արժեքավոր գտնվեց Ռաֆայել Վիսոկի աշխատանքը։

Ռաֆայելը իր վրա է վերցրել միջուկում առաջացած սխալների ուղղման պարտականությունը, որը Ռաֆայելից առաջ կատարում էր Նատալի Պռոտասեվիչը։ Ռաֆայելը իր ուժերով ստեղծել է մի համակարգ, որը հետևում է սխալ-դաշտերի հաղորդագրություններին և համապատասխանեցնում է կոդի այս կամ այն հատվածին, որի հիման վրա որոշվում է սխալի հեղինակը։ Այս տեղեկությունների հիման վրա, շաբաթական կազմվում է արձանագրություն, որում ոչ միայն նշվում է բաց, նոր և ուղղված սխալների մասին, այլ նշվում է նաև անփույթ ծրագրավորողների ազգանունները։

Այս մեթոդիկան ծրագրավորողներին ստիպում է ավելի մեծ պատասխանատվությամբ կատարել իրենց աշխատանքը։ 2.6.29 տարբերակի թողարկումից մոտ մեկ ամիս առաջ, բոլոր այն ծրագրավորողներին, որոնց անունները կայն ցուցակում, ուղարկվել է նամակ, որում Վիսոկը բարեհամբյուր խնդրում է տեղեկացնել հայտնաբերված սխալի մասին՝ ուղղված է արդյոք սխալը թե ոչ, եթե ոչ, ապա տեղեկացնել պահանջվում է իրենց մասնակցությունը ուղղման գործում։